DIARIO DE APRENDIZAXE

A semana pasada a mestra falounos dun proxecto sobre audiocontos e videocontos tradicionais. Trátase dun proxecto no que nós mesmos crearemos un audioconto ou videoconto.
No primeiro momento pareceume un traballo complicadísmo e púxenme nerviosa porque pensei que non sería capaz de facelo.
Uns intres despois a mestra calmoume e díxome que nos iba explicar todo pouco a pouco e paso por paso.
Primeiro explicounos o que é un audioconto, para iso mostrounos unha presentación.
A continuación, amosounos un exemplo de audioconto e a idea xa me comezou a gustar. Tamén nos proporciounou unha infografía cos pasos que tiñamos que realizar para crear o produto final.

Agora xa non me parece difícil e penso que con toda a información que nos deu a mestra e coa axuda dela e dos compañeiros serei capaz de facela.